Funtzionamendua

1994. urtean sortutako funtsa da, eta xede du laguntza eskaintzea munduan zehar botereak ekonomikoki baztertuta dituen hegoaldeko herrialdeetako komunitateek aurrera eramaten dituzten hezkuntza-ekimenei.

Eilastasunkide diren afiliatuek egiten dituzten ekarpenez eta STEILASen diru-sarrera gordinen % 1ez osatzen da.

Eilastasunaren urteko funtsa mugatua da; hortaz, jakin badakigu ez ditugula aseko garapen bidean dauden lurraldeen beharrak. Ez dugu GKEekin lehiatzeko inolako asmorik; ez ditugu proiektuak kudeatzen; gure asmoa bidelagun izatea da eta ez karitatea egitea.

• Injustiziaren kontra eta gizarte eraldaketaren alde diharduten erakunde herrikoi eta antolatuen bidaide izan nahi dugu.
• Laguntza txiki horiek pertsona eta talde horiekin elkartasun-harremanak izateko baliagarriak izatea nahi dugu. Harreman horiek berdintasunean oinarrituko dira; horrela, elkarrekin aberastuko gara.
• Beste herrialde batzuetako zein hainbat komunitatetako egoerak ezagutaraziko ditugu, elkartasuna sustatzeko ikastetxeetan, eta gertatzen diren injustiziak ikusaraziko ditugu, egoera aldatzeko asmoz.
• Giza eskubideetan oinarritutako hezkuntzaren bitartez, bestelako errealitate batzuk gerturatzen ditugu eta, aldi berean, gure gizartea eraldatzeko aukera ere zabaltzen dugu.

Eilastasun asanbladak bi eginkizun nagusi izango ditu:
a) Deialdiaren kudeaketa (urte bikoitietan).
b) Memorien aurkezpena eta balorazioa. (urte bakoitietan).

Eilastasun asanbladak erabakiko du urteko funtsekin zer proiektu onartzen duen eta proiektu bakoitzari zenbat diru ematen dion erabakitzea, horretarako, urtero memoria aurkeztu beharko da. Batzarra da erabakiak hartzeko gunea.

Nork aurkez dezake proiektua? Gutxienez urtebeteko antzinatasuna duen Eilastasunkideak edo kide-taldeak. Inork ezin izango du proiektu bat baino gehiago aurkeztu. Proiektuak batzarrarenak dira.

Diruaren kudeaketa. Eilastasun funtsean biltzen den diru guztia erabiliko da proiektuak aurrera eramateko. Ez da inolaz ere erabiliko bestelako gastuak ordaintzeko (publizitatea, bidaiak…). Batzarrak erabakiko du diru hori nola kudeatu. Horretarako, eta hausnarketa tresna gisa, “Kontutan hartzeko irizpideak” baremazio taula sortu da.

Deialdia. Bi urtetik behin izango da proiektuak aurkeztu eta onartzeko deialdia; aurreko proiektuen balantzea ere egingo da bertan. Horren arabera erabakiko da zein proiekturekin jarraitu, eta proiektu berrien aurkezpena ere egingo da.

Iraupena. 8 urtekoa izango da edozein proiekturen gehienezko iraupena, proiektu berriek tokia izan dezaten eta proiektuen gehiegizko iraupena ekiditeko.

Proiektu kopurua. Hego Euskal Herrian, gehienez, 8 proiektu sustatuko dira. Ahal den heinean, lurralde bakoitzak aurkeztutako proiektu bat garatzen dela bermatuko da.