Txileko bi eskualdetan (Araucania – Rios) dauden landa komunitate desberdinetan astean behin egiten den eskola ibiltaria. Bertan lurraldeko bertako jakituriak indartzea eta zabaltzea da helburua, tailer desberdinen bitartez: baratza, sendagaiak, lanbideak, gastronomia, lekuko historia, toponimia, antroponimia, mapuzugun hizkuntza… Oraindik hezkuntza sisteman sartuak ez dauden txikiei (0-5 urte) tokiko kultura eta jakituriaren bitartez ematen zaien heziketa du ardatz, modu alternatibo batean hezteko bidea bezala erakutsiz.
Komunitate horietako pertsona ezberdinen arteko elkarlana sortzeko aukera izan da, bi eskualde horietako komunitateen arteko komunikazioa indartuz. 2022an zehar bi egunetako Koneltum (hizkuntza barnetegia) antolatu zen, landa eremuan, Shallupem sektorean.
Bertan mapuzugun hizkuntza ikasteko modulo aurreratuak eman zitzaizkien bertaratuei, ariketa didaktiko berri eta txangoen bidez. Abenduaren 17an beste irteera bat ere antolatu zuten, mota horretako ekintzekin, hizkuntza maila beretsuan, eduki, didaktika eta aire librean egindako ekintzen bidez.
Helburuak: egun bateko Koneltum jardunaldiak egitea, gutxienez hilean bitan urte osoan. Etorkizuneko helburua Mapuzuguletuaiñ elkartearekin elkartzea da, hizkuntza-moduluetarako metodologiari buruzko aholkularitza jasotzeko.